15.12.2023 Скопје
Денеска најдобриот тенисер на сите времиња Новак Ѓоковиќ ја започна рекордната 403-та недела на врвот на АТП листата.
Српскиот ас отиде чекор понатаму во испишувањето на историјата.
Ѓоковиќ и понатаму има голема предност пред конкурентите. Тој е прв со 11.245, а потоа следуваат Карлос Алкараз (8855), Данил Медведев (7600), Јаник Синер (6490) и Андреј Рубљов (4805). Во топ 10 се и Стефанос Циципас, Саша Зверев, Холгер Руне, Хуберт Хуркач и Тејлор Фриц. Повеќето играчи ги задржаа своите позиции оваа недела.
На крајот на декември и почетокот на јануари започнуваат првите турнири во новата сезона.
Подготвено од А.Ѓ.
